రాముని వారము మాకేమి విచారము
స్వామి నీదే భారము దాశరధీ నీవాధారము || రాముని ||
తెలిసి తెలియ నేరము మాదేవునిదే యుపకారము
తలచిన శరీరము మది పులకాంకురపూరము || రాముని ||
ఘోరాంధకారము సంసారము నిస్సారము
శ్రీరాముల యవతారము మది చింతించుట వ్యాపారము || రాముని ||
ఎంతెంతో విస్తారము అవతల యొయ్యారము
ఎంతో శృంగారము మా సీతేశుని యవతారము || రాముని ||
ఇతరుల సేవకోరము రఘుపతినే నమ్మినారము
అతి రాజసుల జేరము మా రాముని దాసులైనాము || రాముని ||
No comments:
Post a Comment