పాహిమాం శ్రీ రామాయంటె పలుకవైతివి
నిస్నేహమిట్టిదనిచెప్పనో హోహోహోహోహోహో
నిస్నేహమిట్టిదనిచెప్పనో హోహోహోహోహోహో
ఇబ్బంది నొంది యాకరిబొబ్బ పెట్టినంతలోనే
గొబ్బునగాచితివట జాగుసేయక
నిబ్బరముతో నేనెంతో కబ్బమిచ్చి వేడుకున్న
తబ్బిబ్బు చేసెదవు రామ అబ్బబ్బబ్బబ్బబ్బ
గొబ్బునగాచితివట జాగుసేయక
నిబ్బరముతో నేనెంతో కబ్బమిచ్చి వేడుకున్న
తబ్బిబ్బు చేసెదవు రామ అబ్బబ్బబ్బబ్బబ్బ
సన్నుతించు వారినెల్ల మున్నుదయతో బ్రోచితివని
పన్నగశాయినే నిన్నే విన్నవించితి
విన్నపమువినక యెంతో కన్నడజేసెదవు రామా
యెన్నటికి నమ్మరాదు రన్నన్నన్నన్నన్నన్న
పన్నగశాయినే నిన్నే విన్నవించితి
విన్నపమువినక యెంతో కన్నడజేసెదవు రామా
యెన్నటికి నమ్మరాదు రన్నన్నన్నన్నన్నన్న
చయ్యన భద్రాద్రినిలయ స్వామివని నమ్మి నేను
వేయారు విధముల నుతిచేయసాగితి
ఈయెడను రామదాసుని కుయ్యావించిప్రోవకున్న
నీయొయ్యార మేమనవచ్చునయ్యయ్యయ్యయ్యయ్యయ్యో
వేయారు విధముల నుతిచేయసాగితి
ఈయెడను రామదాసుని కుయ్యావించిప్రోవకున్న
నీయొయ్యార మేమనవచ్చునయ్యయ్యయ్యయ్యయ్యయ్యో
Download
No comments:
Post a Comment