బిడియమేలనిక

బిడియమేలనిక మోక్షమిచ్చి నీవడుగుదాటిపోరా
తడవాయెను నేనోర్వలేను దొరతనము దాచుకోరా 

మురియుచు నీ ధరజెప్పినట్లు విన ముచికుందుడగాను
అరుదుమీరలని నెగురువేయ నే హనుమంతుడగాను
సరగున మ్రుచ్చులమాటలు విననే జాంబవంతుడనుగాను
బిరబిర మీవల లోపల బడనే విభీషణుడనుగాను 

మాయచేత వంచింపబడగనే మహేశుడనుగాను
న్యాయము లేకయే యిటునటు దిరుగును నారదుండగాను
ఆయముచెడి హరినరుడని కొలువను నర్జునుండగాను
దాయాదుండని మదిలో మురియను దశరథుడనుగాను 

గరిమతోడ మా సీతనుజూడ కాచితినిందాక
పరగభద్రుని శిఖరవాసా పరబలసంహార
నరహరి నను రక్షింపవేగమే నారాయణరూపా
మరచి నిదురలోనైనను మీపద సరసిజములు మరువ