నరహరిని నమ్మక నరులను నమ్మిన నరజన్మమీడేరునా
చెఱకుండగ వెఱ్ఱిచెఱకును నమలిన జిహ్వకు రుచిపుట్టినా మనసా
చెఱకుండగ వెఱ్ఱిచెఱకును నమలిన జిహ్వకు రుచిపుట్టినా మనసా
కాళ్ళుండగ మోకాళ్ళతో నడిచిన కాశీకి పోవచ్చునా
నీళ్ళుండగ నుమ్మినీటినిమ్రింగిన నిండుదాహముదీరునా మనసా
నీళ్ళుండగ నుమ్మినీటినిమ్రింగిన నిండుదాహముదీరునా మనసా
కొమ్మయుండగ గొయ్యబొమ్మను గలిసిన కోరిక కొనసాగునా
అమ్మయుండగ పెద్దమ్మనుగోరిన నర్ధము చేకూరునా మనసా
అమ్మయుండగ పెద్దమ్మనుగోరిన నర్ధము చేకూరునా మనసా
అన్నముండగ నానబియ్యము దినినంత యాకలివెతదీరునా
వెలదులుండగ చిన్నకన్నెలగలిసిన కామవ్యధులు దీరునా మనసా
వెలదులుండగ చిన్నకన్నెలగలిసిన కామవ్యధులు దీరునా మనసా
క్షుద్రబాధచే నుపద్రవములు బడువేళ నిద్రకంటికి వచ్చునా
భద్రగిరీశుపై భక్తిలేని నరుడు పరమును గననేర్చునా
భద్రగిరీశుపై భక్తిలేని నరుడు పరమును గననేర్చునా
No comments:
Post a Comment