సామాన్యుల చెంత

సామాన్యుల చెంత చేరము
రామ నామ మంత్రమె మాకు నీమము
సామగానలోలు సన్నుతించిన
మాకేమి కొదవ సీతారాములున్నారు 

మూలకారణుని లీల తెలియలేని
మూఢులైన వారి నొల్లము
వాలాయముగను వారిజాక్షునికథల
మేలెరుగని వారి నొల్లము 

ధర్మ సూన్యులైన దారుణ కర్ముల
దరికి చేర మేమొల్లము
మర్మమెరిగినట్టి మదన జనకుడైన
ధర్మ మూర్తి రామ తారకమే చాలు 

తామసంబుచేత తామె పెద్దలమని
తత్వమెరుగని వారి నొల్లము
కామాదుల చేత గర్వమొందియున్న
కలుష చిత్తులవారి నొల్లము 

నియమకర్మాది వినిష్ఠ లేని
పరమ నీచులైన వారి నొల్లము
రామదాసునేలు రఘుకులాగ్రజుని
ప్రేమతో భద్రాద్రి రాముని కొలువని

Download