ఏమిర రామ నావల్ల నేర మేమిరా రామ
ఏమిర రామ ఈ కష్టము
నీ మహిమో నా ప్రారబ్ధమో || ఏమిర ||
కుండలిశయన వేదండ రక్షకా
అఖండతేజ నాయండ నుండవే || ఏమిర ||
పంకజలోచన శంకరనుత నా
సంకటమును మాన్పవె పొంకముతోను || ఏమిర ||
మందరధర నీ సుందర పదములు
ఇందిరేశ కనుగొందు జూపవే || ఏమిర ||
దినమొక ఏడుగ ఘనముగ గడిపితి
తనయుని మీదను దయలేదయయో || ఏమిర ||
సదయహృదయ నీ మృదు పదములు నా
హృదయ కమలమున వదలక నిలిపితి || ఏమిర ||
రామ రామ భద్రాచల సీతా
రామదాసుని ప్రేమతో నేలవె || ఏమిర ||
Download
No comments:
Post a Comment