ఇతరము లెరుగనయ్యా

ఇతరము లెరుగనయ్యా నాగతి నీవే రామయ్య
సతతము సీతాపతి నీ వేయనిమదినమ్మితిసద్గతి జెందింపుము 

కోపము చేయవద్దు నాకోరికలొసగుము యీ ప్రొద్దు
ప్రాపుదాపు నా ప్రాణమునీవే యీ పట్టనమిము పట్టువిడువనిక
పామరుడని విడువవద్దు నా పాపము బాపుమీ ప్రొద్దు

తప్పులెన్న వద్దంటి నాతల్లి దండ్రి నీవంటి మా
యొప్పులకుప్పవటంటి మాయప్పవు నీవనుకొంటి
అప్పటప్పటికి తప్పక నీవే తిప్పలబెట్టక తీర్చిదిద్దుకొను

నా మీదను దయరాదా రామా నామనవిని వినరాదా
వేమరు నాతోవాదా నను వెరవకుమీ యనరాదా
ప్రేమమీర మా భద్రాచల పురిధాముడవై రామదాసుని నేలుము