కలియుగ వైకుంఠము భద్రాచలనిలయము సేవింతము
అలివేణులారా మీరానందముగ వేగ విలసితమైనట్టి వేడుకచూడరె
అలివేణులారా మీరానందముగ వేగ విలసితమైనట్టి వేడుకచూడరె
కాంచనసౌధములు మానికంపు మించిన దూలములు
వజ్రములు చెక్కించిన స్తంభములు
పగడములని భ్రమించు ద్వారములు
అంచయాన మరియెంచి లేనుగాదె
మంచిపచ్చలు గూర్చిన వాకిళ్ళు
వజ్రములు చెక్కించిన స్తంభములు
పగడములని భ్రమించు ద్వారములు
అంచయాన మరియెంచి లేనుగాదె
మంచిపచ్చలు గూర్చిన వాకిళ్ళు
బంగారుగోపురములు దేవళముల వెలుంగు మాణిక్యములు
భేరిమృదంగాది నాదములు భాగవతుల సంకీర్తనలు
సొంపైన కళ్యాణరత్న మంటపములు
శృంగారమేమని దెలియ విన్నవింతు
భేరిమృదంగాది నాదములు భాగవతుల సంకీర్తనలు
సొంపైన కళ్యాణరత్న మంటపములు
శృంగారమేమని దెలియ విన్నవింతు
తీరైన పురవీధుల సొంపైన కోనేరులు
సోపానములు సకల ఫలతరువులు
ఆ నదులు ఋషి గంధర్వ నివాసములు
సరసిజాక్షి వినవే సిరిలేని గోదావరిస్నానమున సంవత్కరమై యొప్పినది
సోపానములు సకల ఫలతరువులు
ఆ నదులు ఋషి గంధర్వ నివాసములు
సరసిజాక్షి వినవే సిరిలేని గోదావరిస్నానమున సంవత్కరమై యొప్పినది
చక్కని స్త్రీ పురుషులు పట్టణమందు
పిక్కటిల్లగ వింతలు బ్రాహ్మణులు మక్కువతో పూజలు
వేదశాస్త్రతార్కిక వైష్ణవులుగ్రక్కున వారిని కన్నులజూచి
తక్కువైన పుణ్యమేయని తెల్పుదు
పిక్కటిల్లగ వింతలు బ్రాహ్మణులు మక్కువతో పూజలు
వేదశాస్త్రతార్కిక వైష్ణవులుగ్రక్కున వారిని కన్నులజూచి
తక్కువైన పుణ్యమేయని తెల్పుదు
వామాక్షులాడగను సీతనుగూడి
హేమపీఠమునందు సంపూర్ణకళలు మోము వెలుగగను
పరివారములు ప్రేమతో గొలువగను
ప్రేమచే భద్రాద్రిరామదాసుని నేలు
స్వామి శ్రీకోదండరాము నివాసము
హేమపీఠమునందు సంపూర్ణకళలు మోము వెలుగగను
పరివారములు ప్రేమతో గొలువగను
ప్రేమచే భద్రాద్రిరామదాసుని నేలు
స్వామి శ్రీకోదండరాము నివాసము
Download
No comments:
Post a Comment