రామా దయ జూడవే భద్రాచల
ధామా ననుబ్రోవవే సీతా || రామా ||
రామా దయ జూచి రక్షించి మమ్మేలు
రామా రణరంగ భీమా జగదభి || రామా ||
రాజీవ దళలోచన భక్త ప
రాధీన భవ మోచన
రాజ రాజ కుల రాజ రాజార్చిత
రాజిత వైభవ రాజాలలామ || రామా ||
తాటక సంహరణ మేటి
కోటి రాక్షస హరణా
నీటుతో శ్రీ రామకోటి వ్రాసితి నీకు
సాటిలేరని సారె సారెకు వేడితి || రామా ||
దిక్కు నీవని నమ్మితి నీపదములు
మక్కువగొని మ్రొక్కితి
చిక్కులు బెట్టకు శ్రీ రామదాసుని
చక్కగ బ్రోవవె చక్కని జానకి || రామా ||
No comments:
Post a Comment