అయ్యయ్యో నే నేరనైతి ఆదినారాయణుని తెలియనైతి || అయ్యయ్యో ||
వెయ్యారు జన్మాల వెత జెందితిగాని
చెయ్యన సద్గతి సాధింప లేనైతి || అయ్యయ్యో ||
మోస మేమని తలచియుండు దోస
వాసనల తగిలి తేమందు ఆశా
పాశములను అరసి బ్రోచి ముందు
వాసిగ వైరాగ్య వాసన గననైతి || అయ్యయ్యో ||
మూడు మేలని నమ్మియుంటి నిరు
మూడు శత్రుల కూడియుంటి మాటికి
రెంటి మార్చి శత్రు మూటికెక్కువైన
కూటస్థు పొగడ నేనుకూడ లేనయితి || అయ్యయ్యో ||
వదలించి బంధముల విడజేసిన భద్ర
గిరి రాఘవులతో నేను కలసి
సదయుడవై గని శ్రీరామదాసుని
స్థిరముగ పోషించుడని వేడనైతి || అయ్యయ్యో ||