జానకి రమణ

జానకి రమణ కళ్యాణ సజ్జన
నిపుణ కళ్యాణ సజ్జన నిపుణ || జానకి ||

ఓనమాలు రాయగానే నీ నామమే తోచు
నీ నామమే తోచు శ్రీరామా || జానకి ||

ఎందు జూచిన నీదు అందమే గానవచ్చు
అందమె గానవచ్చు శ్రీరామా || జానకి ||

ముద్దు మోమును చూచి మునులెల్ల మోహించిరి
మునులెల్ల మోహించిరీ శ్రీరామా || జానకి ||

దుష్టులు నినుజూడ దృష్టి తాకును ఏమో
దృష్టి తాకును ఏమో శ్రీరామా || జానకి ||

ఎన్ని జన్మలెత్తిన నిన్నే భజింప నీవె
నిన్నే భజింప నీవే శ్రీరామా || జానకి ||

ముక్తి నే నొల్ల నీదు భక్తి మాత్రము చాలు
భక్తిమాత్రము చాలు శ్రీరామా || జానకి ||

రాతి నాతిగజేసె నీ తిరువడిగళె కాదా
నీ తిరువడిగళె కాదా శ్రీరామా || జానకి ||

నారదాది మునులు పరమపద మందిరిగద
పరమపద మందిరిగా శ్రీరామా || జానకి ||

సత్య స్వరూపముగ ప్రత్యక్షమై నావు
ప్రత్యక్షమై నావు శ్రీరామా || జానకి ||

భద్రాచల నివాస పాలిత రామదాస
పాలిత రామదాస శ్రీరామా || జానకి ||


Download