నా తప్పులన్ని క్షమియించుమీ జగ
న్నాథా నీవాడ రక్షింపుమీ || నా తప్పులన్ని ||
పాతకుడని ఎంచక పోషించు
దాత వనుచు నీ పదములె నమ్మితి || నా తప్పులన్ని ||
ఈయెడ నానేరము లెంచక హిత
వై తే ద్వేషము లెంచకు మ్రొక్కెద
చేయరాని పనులెన్నో చేసితి
కాయ తీగ కెక్కువ కాదు గదా || నా తప్పులన్ని ||
కడుపున బుట్టిన తనయుడు ఎంతో
దుడుకుతనము చేసిన గాని
కొడుకా రమ్మని పిలుచును నూతిలో
పడత్రోయునా తండ్రి ఎవరైన || నా తప్పులన్ని ||
దాసుని మనవిని వినుము చక్రధర
వాసవ నుత నన్నేలుకొంటివా
నా స్వామి నమ్మితిని భద్రాద్రి ని
వాసుడ రామదాసు నేలు తండ్రి || నా తప్పులన్ని ||
Download