రామ నామనవిని చేకొనుమా దైవ ల
లామ పరాకుచేయకుమా || రామ ||
స్వామి భద్రాచల ధామ పావన దివ్య
నామ గిరిజ నుత భీమ పరాక్రమ || రామ ||
దరిలేని జనులను గాచే
బిరుదుపూనితివి ఖ్యాతిగాను
బరువగు నాబాధలను తీర్ప నీ
మరుగు జేరితి నన్నరమరచేయకు || రామ ||
కపట మానసుడని మదిని యెన్న
కిపుడు రక్షింపు సమ్మతిని
అపరాధములకు నే నాలయమైతిని
కృపజూడుము నన్ను నెపము లెన్నకు || రామ ||
పతిత పావన మూ ర్తివైన నీవే
గతియని యుండితి మదిలోన
సతతము రామదాస పతివై భద్రాద్రిని
అతులిత వై భవతతులచే నెలకొన్న || రామ ||