ననుబ్రోవమని చెప్పవే సీతమ్మతల్లి || ననుబ్రోవమని ||
ననుబ్రోవమని చెప్పవే నారీ శిరోమణి
జనకుని కూతుర జనని జానకమ్మ || ననుబ్రోవమని ||
ప్రక్కన చేరుక చెక్కిలి నొక్కుచు
చక్కగ మరుకేళి సొక్కు చుండెడివేళ || ననుబ్రోవమని ||
ఏకాంతరంగుడు శ్రీకాంత నినుగూడి
ఏకాంతమున నేక శయ్య నున్నవేళ || ననుబ్రోవమని ||
అద్రిజ వినుతుడు భద్రగిరీశుడు
నిద్రమేల్కొనువేళ నెలతరో బోధించి || ననుబ్రోవమని ||
Download