ఎటుబోతివో రామ

ఎటుబోతివో రామ ఎటుబోతివో
ఎటుబోతివో నిన్ను నే వేడుకొనుచుంటె
నేడు నాకనుల జూతామంటె

అంధకారమువంటి బందిఖానాలో
నన్ను నిందల నెడబాపవే నీకు మ్రొక్కెద స్వామీ

పాపములన్ని యెడపాపెడి దొరవు నీవు
ఆపదలదీర్చి నన్నాదుకొమ్మంటి స్వామి

తానీషాగారు వచ్చి సరితీర్పు చేసెదరు
పైకము బంపించి వేగం నను వదలింప

అపరాధినినని చాల నుతిచేసి మొరలిడగ
వెనుకటి నేరము లెంచకు నా స్వామి

అప్పుల వారొచ్చి యరికట్టుచున్నారు
ఓప్పుకోబడునని చెప్పక దాగినావె

నీవు భద్రాచల నిలయుడవయ్య రామ
బ్రోవవయ్య రామదాసునేలెడి స్వామీ