సకలేంద్రియములార

సకలేంద్రియములార ఇపుడు సమయము గాదు సద్దుసేయక యుండరే
ప్రకటముగ మాయింటపండుగై జానకీసతిపూజసేయువేళ మీరు 

నిరతమును పదునాల్గుభువనములు కుక్షిలో నిర్వహించెడి స్వామికి
ఇరవుగను మా హృదయకమల కర్ణిక మధ్యమున భక్తి నుంచికొనియు
శరణాగతత్రాణ బిరుదుగలిగిన తండ్రి కరుణింపుమని వేడు
నరసింహదేవునకు నేను పంచామృతస్నాన మొనరించు వేళ మీరు 

తళుకుతళుకున ముద్దుగులుకు జగికుందనపు నిలువుటంగీదొడిగిరే
నలురు ఘుమఘుమ పరిమళించు వనమాలికాహారము మెడను వేసి
లలిత కౌస్తుభ దివ్యరత్నముల చొక్కపుతాళి మెడవేసి అలద
యాపరవిగ్రహంనకు భుజకీర్తులను హరి సవరించువేళ మీరు 

పదియారువన్నె బంగారుశాలువ దట్టికట్టివిదియ చంద్రుని
నుదుట కస్తూరినామమునుదిద్ది తామరసాది మృదుపదములందు
కదసి మువ్వలు పాదములందెలు ఘల్లు ఘల్లు మనపొంకముగనుంచి
అచట వడ్యాణములు మెలనూలుఘంట హరికి నలంకరించు వేళ మీరు 

ఖడ్గ కౌమోదికి శంఖచక్రనందన శార్ఙ్గకార్ముకాంచిత కరములు శ్రీమించు
కనకంపు హరుమంజి ముత్యాల చిలికి కడియములమర్చి
ప్రేమచక్కని వేళ్ళముద్దుటుంగరములను ప్రియ మొప్పవీనులందు
మా మనోహరునకు వజ్రముల కర్ణకుండలములమరించు వేళ మీరు 

శిరములను శతకోటి సూర్యులనుమించి భానురకిరితము ధరించి
హరి పాదకమలములను మంచి స్వర్ణపు పువ్వులను పూజించేసి
అగరు ధూపదీపనైవేద్య తాంబూలాది సకలోపచార మొసగి
సరస భద్రాద్రీశునకు రామదాసుడు సాష్టాంగ మొనరించువేళ మీరు

Download