మానసమా నీవు మరువకుమీ పెన్ని
ధానము రామ మంత్రాను సంధానము || మానసమా ||
సారంపు గురుభక్తి మీరకుమీ సం
సార ఘోరాటవిలో దూరకుమీ దరి
జేరని కోర్కెల కోరకుమీ అయి
దారింటి వెనువెంట బారకుమీ భ్రష్ట || మానసమా ||
పరదైవములకు మ్రొక్కకుమీ స్త్రీలోల
సరసిజ ముఖులకు దక్కకుమీ ఘోర
నరక దుఃఖములెల్ల బాయు సుమీ దా
శరధీ కథామృత సారములో రుచి || మానసమా ||
చిద్రూపము వెలుగొందుసుమీ అజ
చుద్రాదులకెల్ల విందుసుమీ దా
రిద్ర్య వ్యాధికి మందు సుమీ శ్రీ
భద్రాచల రామదాస పోషక భక్తి || మానసమా ||