సీతారామస్వామి

సీతారామస్వామి నే జేసిన నేరంబేమి || సీతా ||

ఖ్యాతిగ నీపద పంకజములు నే
ప్రీతిగ తలుపక భేద మెంచితినా || సీతా ||

తంగుగ నా పదివేళ్ళకు రత్నపు టుంగరములు నిన్నడిగితినా
సంగతి బంగరు శాలువ పాగా లంగీల్ నడికట్లడిగితినా
చెంగటి భూసుర పుంగవు లెన్నగ చెవులకు చౌకట్ల డిగితినా
పొంగుచు మువ్వలు ముత్యపుసరములు బాగుగ నిమ్మని యడిగితినా || సీతా ||

ప్రేమతో నవరత్నంబులు దాపిన హేమ కిరీటంబడిగితినా
కోమలమగు నీ మెడలో పుష్పపు ధామంబులు నే నడిగితినా
మోమాటము పడకుండగ నీవగు మురుగులు గొలుసులు అడిగితినా
కమలేక్షణ మిము సేవించుటకై ఘనముగ రమ్మని పిలిచితిగాని || సీతా ||

తరచుగ నీ పాదంబుల నమరిన సరిగజ్జెలను అడిగితినా
కరుణారస ముప్పొంగ మీ గజ తురగము లిమ్మని యడిగితినా
పరమాత్మ నీ బంగరు శాలువ పై గప్పగ నే నడిగితినా
స్మర సుందర సురవర సంరక్షక వరమిమ్మని నిన్నడిగితినా || సీతా ||

ప్రశస్త భద్రాద్రీశుడవని నిను ప్రభుత్వ మిమ్మని యడిగితినా
దశరధ సుత నీచేత ధరించిన దాన కంకణ మ్మడిగితినా
విశదముగను నీ మేలిమి మొల నూల్ వేడుకతో నే నడిగితినా
యేదుము భూమిని కుచ్చల నేలకు నెక్కువగా నిన్నడిగితినా || సీతా ||


Download