దినమే సుదినము

దినమే సుదినము సీతారామ స్మరణే పావనము || దినమే ||

ప్రీతినై నా ప్రాణభీతి నైనా కలిమి
చేతనైనా మిమ్మే తీరుగ తలచిన ఆ || దినమే ||

అర్థాపేక్షను దినము వ్యర్ధముగాకుండ
సార్ధకముగా మిమ్ము ప్రార్ధన చేసిన ఆ || దినమే ||

నిరతము మెరుగు బంగారు పుష్పముల రఘు
వరుని పదముల నమర పూజించిన ఆ || దినమే ||

మృదంగ తాళము తంబురశృతి గూర్చి
మృదు రాగము కీర్తన పాడినను విన్న ఆ || దినమే ||

ఘనమైన భక్తిచే పెనగొని యే వేళ
మనమున శ్రీరాముని చింతించిన ఆ || దినమే ||

భక్తులతో ననురక్తిని గూడక
భక్తి మీరగను భక్తవత్సలు పొగడగా || దినమే ||

దీనశరణ్య మహానుభావ యోగానలోల
నను కరుణింపుమని కొలుచు ఆ || దినమే ||

వాసిగ శ్రీహరిదాసుల గూడుకొని
వాసుదేవు వాంఛతోను పాడెడి ఆ || దినమే ||

అక్కరతోడ భద్రాచలమునను
చక్కని సీతారాములను చూచిన ఆ || దినమే ||


Download