గోవింద సుందర

గోవింద సుందర మోహన దీన మందార
గరుడ వాహన భవబంధాది దుష్కర్మ
దహన భక్తవత్సల త్రిలోక పావన || గోవింద ||

సతి సుతులపై ప్రేమ రోసితి సం
తతము మీపై భారమువేసితి
మదిలోన మిము కనులజూడగ నెంచి
మీదయ కెపుడెదురెదురు జూచితి || గోవింద ||

చాల దినములనుండి వేడితినే
కాలహరణముచేసి గనలేనైతి
మేలు నీ నామము పాడితి
మేలుగా ముందటి విధమున వేడితి || గోవింద ||

దీనరక్షకుడవని వింటిని నీ
కనికర మే తీరున గందును మానస
మున నమ్మియుందును నా
మనవి చేకొన వేమందును || గోవింద ||

అధికుడవని నమ్మినందుకు ఆశ్ర
యించిన శ్రమబెట్టేదెందుకు మిము
పెతకి వెలిసే దెందుకు మాకిది
పూర్వకృత మనేటందుకు || గోవింద ||

క్రోధాన వచ్చెను వార్థక్యము యిక
ప్రాపేది బహు సామీప్యము పదములు
విడనందు గోప్యమా మీరెపు
డు చూపెదరు స్వరూపము || గోవింద ||

భద్రగిరియందు లేదేమొ యునికి
భక్తుల మొరవిని రావేమొ కరిగాచి
న హరివి గాదేమో రామ
దాసుని మొరవిని రావేమో || గోవింద ||


Download