కంటి మా రాములను కనుగొంటి నేను || కంటి ||
కంటి నేడు భక్త గణముల బ్రోచు మా
యింటి వేలుపు భద్రగిరినున్న వాని || కంటి ||
చెలు వొప్పుచున్నట్టి సీతా సమేతుడై
కొలువు తీరిన మా కోదండరాముని || కంటి ||
తరణికుల తిలకుని ఘన నీలగాత్రుని
కరుణారసము కురియు కందోయి గలవాని || కంటి ||
హు రు మంచి ముత్యాలసరములు మెరయగా
మురిపెంపు చిరునవ్వు మోముగలిగిన వాని || కంటి ||
ఘలు ఘల్లుమను పైడిగజ్జెలందెలు మ్రోయగ
తళుకు బెళుకు పాదతలము గలిగిన వాని || కంటి ||
కరకు బంగరు చేల కాంతి జగములు గప్ప
శర చాపములు కేల ధరియించు స్వామిని || కంటి ||
ధరణిపై శ్రీరామదాసు నేలెడు వాని
పరమ పురుషుండైన భద్రగిరిస్వామిని || కంటి ||