దరిశనమాయెను శ్రీరాములవారి
దరిశనమాయెను దరిశనమాయెను || దరిశనమాయెను ||
దరిశనమాయెను ధన్యుడనైతిని
యురమునందు సిరి మెరయుచున్నవాని || దరిశనమాయెను ||
శుకమునులకు యోగి ప్రభులకు నైనను
అభిముఖుడై యాననము జూపని వాని || దరిశనమాయెను ||
కండ క్రొవ్వున తను మరచువాని తల
చెండెదనని కోదండ మెత్తిన వాని || దరిశనమాయెను ||
పరమ భక్తుల కిల సిరులొసగెదనని
కరమున దాన కంకణము గట్టిన వాని || దరిశనమాయెను ||
స్థిరముగ భద్రాచల రామదాసుని
అరసి బ్రోచెదనని బిరుదు దాల్చిన వాని || దరిశనమాయెను ||